Fanni Logo 
 
 
 
فني مبتكر هو برنامج مجتمعي لدعم التعليم الفني تنظمه ايدياسبيس  ideaspace بالشراكة مع مشروع تنمية القوى العاملة و تعزيز المهاراة الممول من الوكالة الأمريكية للتنمية الدولية بمصر و بالتعاون مع وزارة التربية و التعليم الفني.
 
يستفيد من البرنامج مدارس التعليم الفني الخاصة المتعاونة مع مشروع تنمية القوى العاملة في محافظات الاسكندرية، الاسماعيلية، بورسعيد، الغردقة، أسوان، دمياط، الشرقية، الغربية، بني سويف، الفيوم، المنوفية .
 
 
 
  

        أنا فني مبتكر ... أنا فني و أفتخر    

الحلم

 

 إيمان حماده إبراهيم

 الغردقة الثانوية الصناعية بنات

الحكاية بدأت من كلمة "صنايع " اللي معظم الناس رأيهم سلبي فيها لكن أنا حبيت ابقى مختلفة عنهم وابقى إيجابية لإني فكرت بعقلي شوية لاقيت معظم  الناس اللي شغالة في مجتمعنا خريجي تعليم فني ،القليل منه ثانوية عامة كلهم قدروا يفيدوا البلد وكمان شوفت أن التعليم الفني بنسبة 80٪ في بلاد الغرب يعني الأهمية للتعليم الفني وليس الثانوي. 

وعشان كده انا حولت من ثانوية عامة بعد ما أخدت سنة كاملة ورحت التعليم الفني الصناعي عشان احقق حلمي اللي هو كلية هندسة وبالفعل دخلت التعليم الفني و لقيت اللي كنت بتمناها إني أتعلم صنعة واشتغل بإيدي ودخلت قسم طاقة متجددة وهو ده نهضة البلد وبعدها قدمت في مسابقة فني مبتكر بتعاون مع شركة ايدياسبيس اللي كانت وش الخير عليا كنت وقتها أول مرة اخوض تجربه زيها قدمت فيها بالمشروع وخصصت المشروع من خلال القسم بتاعي عشان ابقي نفذت فكرتي على أسس صحيحة وكملت في المسابقة لحد قبل النهائي وماوفقتش في أخر مرحلة ورغم كدا ماوقفتش لأني عندي هدف وكملت لأني وأنا في المسابقه تعرفت على ناس جديدة وهم اللي بيسندوني حاليا رغم إني كان معايا شريكة ومشرف ولكن انسحبوا من التكلمة وأنا حاليا مش لوحدي حتى بعد ما هما انسحبوا لان معايا اللي عايزني اوصل اللي على طول بيدعموني بالطاقة الإيجابية زي أهلي اللي دايما واقفين معايا والمهندس أحمد والمهندس خالد وإدارة الغردقة وبعض الزملاء. 

شكرا جزيلا ايدياسبيس على كل الدعم لانكم حقا من ساندني في تحقيق هدفي.

تابع فني مبتكر